▫️اولا نحبو نتقدمو بشكر جزيل ليكم على حجم التشجيع و الكلام الباهي متاعكم و المزيان ، و خاصة للناس الي تعرف نيتنا و علاش نعملو في كل هذا ، اليوم نقدمولكم مقال باش نحكيو فيه على سنة 2022 لتونس ، باش نردو على كل استفساراتكم و كل كبيرة و صغيرة و نوروكم كيفاش في بلادنا فما مشاريع ضخمة جدا ، و كي نقول جدا يعني تتقارن بحجم اكبر المشاريع في افريقيا و ما ادراك ، نستناو دعمكم لينا ان شاء اللله
▫️ لكل الصفحات الصديقة و الشقيقة نتمناو منكم تحترمو التعب الكبير الي عملناه باش وصلنا خدمنا المقال هذا ، احترام المصدر من فضلكم 😀
🔰 1 - المشاريع الي نتوقعوها تنطلق 2022 :
🟡1-1 ملعب المنزه :
بعد سنوات طويلة برشا و احنا نستناو ، ملعب منزه هو اول مشروع باش نحكيو عليه و بكل اعتزاز انو باش يكون اول مفاجئة لبلادنا في عامنا الجديد ❤️ و اول خطوة لتحسن الملاعب التونسية في المستقبل ، المشروع باش يبدى في جانفي 2022 ان شاء الله و بمواصفات عالمية حيث انو باش ياخو شاهدة من الفيفا تخول للملعب انو يستقبل اي مباراة دولية مهم كان حجمها دون اي مشاكل ، المشروع باش تكون كلفتو قريب 100 مليار توانسة و باش يكون فيه برشا مكونات لاول مرة لي تون على غرار مقاهي / مطاعم / بوابات الية / غرف vip
بالاضافة الى الاشغال العادية في الملعب والتي ستشمل :
- ترميم كلي للمدرجات
- تركيب احدث انواع العشب في العالم
- منصة صحفين جديدة و عصرية
- اعادة كلية لغرف تبديل الملابس و التي ستكون الاروع في تونس - قاعة مؤتمرات عصرية داخل الملعب
- اعادة كلية للمنطقة المختلطة
- صبورة لامعة جديدة و عصرية
- بالاضافة الى اعادة الانارة في الملعب
مشروع هام جدا و منتظر برشا منكم و ان شاء الله باش تراو تغطية كاملة للمشروع في صفحتكم
#ولاية_تونس
🟡 1-2 جسر بنزرت .. اضخم جسر في تونس و من اضخم و اكبر الجسور في افريقيا و الوطن العربي :
▫️ مشروع ستناوه ياسر البنزرتية الكل و باش نشوفو الانطلاق الرسمي ليه في اول سنة 2022 ان شاء الله ، مشروع باش يكون هام جدا و بكلفة تصل الى 1000 مليون دينار
مشروع جسر بنزرت الثابت او ما يعرف بالوصلة الثابة لقنال بنزرت يعتبر هو الاول من نوعه في حوض المتوسط ويمتد مشروع جسر بنزرت على طول 5ر9 كلم ينقسم إلى طريق بطول 4ر7 كلم من نهاية الطريق السيارة A4 إلى الطريق المحلية رقم 438 وانجاز جسر بطول 70ر2 كلم سيقام على قنال الملاحة البحرية لبحيرة بنزرت.
كما سيقع انجاز 4 محولات على مستوى المفترقات (الطريق الوطنية8-أ4، مدخل القطب التكنولوجي، مدخل مدينة منزل عبد الرحمان و الطريق الوطنية رقم 11) و2 منشآت فنية (على مستوى مصنع الإسمنت، و طريق بلدي). وتقدر قيمته الجملية ب 1000 م د هذا المشروع سيقوم بتغيير جوهري في ولاية بنزرت لربط جميع انحاءها وتسهيل العبور الى مركز المدينة نظرا لتقادم الجسر المتحرك وافتقاده لشروط السلامة و الجودة
▫️ نعاودو نقولو الجسر باش يكون من اكبر الجسور في افريقيا و العالم العربي ، للعباد الي متعرفش قيمت بلادنا 🇹🇳🇹🇳
https://www.facebook.com/108773530662215/posts/356614425878123/
🟡 1-3 طريق تونس الجلمة :
▫️ بعد فتح طلب العروض الرسمي قبل اشهر و اغلاقه في سبتمبر الماضي ، المعلومات الي عنا تقول انو في شهر جانفي القادم باش يتم رسميا اختيار المقاولة الفائزة بالمشروع ان شاء الله و بالتالي انطلاق الاشغال لهذا المشروع الضخم و المنتظر في سنة 2022 حاجة مؤكدة و الحمد لله
و يعتبر مشروع طريق السيارة تونس – جلمة والتي تربط (المحمدية وفوشانة والفحص والقيروان إلى حدود جلمة من ولاية سيدي بوزيد على امتداد 180 كلم) من أكبر المشاريع المنتظر انجازها بكلفة جملية تناهز الـ 1,6 مليار دينار و باش يكون بالمواصفات الدولية ان شاء الله
▫️ المشروع ممول عن طريق قروض من طرف الصندوق العربي للإنماء الاقتصادي وكذلك البنك الأوروبي للاستثمار.
🟡 1-4 المنتجع السياحي القطري بقمرت :
بعد انتضار طويل ، من المتوقع ان تنطلق شركة المقاولون العرب المصرية كيما اخبرناكم ( بشكل حصري ) في مشروع السياحي الضخم la cigale gammarth بمواصفات عالمية ، المشروع عبارة عن منتجع سياحي يدمج فندق 5 نجوم فاخر ؛ مع 540 سريرا ؛ مول ، ومركز مؤتمرات يضم 3500 مقعدًا ، بالإضافة إلى 60 #
فيلا فاخرة يديرها الفندق. إجمالي مساحة المشروع: 24000 م 2
🟡 5-1 مشروع المياه العميقة بالنفيضة ، احد اهم و اضخم المشاريع في بلادنا في تاريخها مع المدينة الاقتصادية بتونس الي باش تكون الافضل في تاريخ تونس :
▫️ باش يتم يوم 30 مارس القادم اقتتاح الرسمي لطلب عروض مشروع ميناء المياه العميقة بالنفيضة بمواصفات عالمية و الي باش يكون الاكبر في تونس و نقطة اقتصادية كبيرة جديدة في بلادنا
▫️الميناء التجاري بالنفيضة و هو ميناء ضخم في المياه العميقة خاص بنقل البضائع سيتم بناؤه في مدينة النفيضة سيكون له شأن كبير في تطوير و تكثيف التبادلات التجارية بين تونس و بقية دول العالم. ستحتضنها المنطقة الواقعة بين النفيضة و بوفيشة ما بين الطريقين الوطنية و السيارة من الغرب و شاطئ و البحر من الشرق و سط شرق تونس (على بعد 40 كلم من مدينة سوسة). و يمتد هذا المشروع على مساحة 90 كلم مربع، و هو بتمويل من المستثمرين السعوديين. و سيوفر هذا المشروع خلال العشر سنوات الأولى قرابة 250 ألف موطن شغل، و هو مشروع موجه لبناء أول مدينة اقتصادية و سياحية و اجتماعية و ثقافية في أفريقيا.
و سيشمل المشروع عددا من المناطق الصناعية و المستودعات الكبرى المعدة لتخزين المنتجات بأصنافها، إضافة إلى ميناء تجاري ضخم قادر على استقبال كبرى سفن الملاحة و التجارة و منطقة للتجارة الحرة منفتحة على كل القارات و منطقة سياحية ترفيهية ذات مواصفات عالمية و مدينة طبية ذات طاقة استيعاب كبرى و تتمتع باختصاصات طبية دقيقة و مركز لصنع الأدوية و مدينة جامعية تضمن جميع الاختصاصات العلمية و لها القدرة على استقطاب الطلبة من جميع أنحاء العالم، إضافة إلى مدينة سكنية و مدينة ترفيهية و مدينة للإعلام.
🟡 6-1 في نفس السياق // مدينة تونس الاقتصادية :
و هي واحدة من اكبر المشاريع التونسية ، مدينة تونسية ضخمة و مشروع مبهر باش يعطي لتونس بعد اخر حيث انها باش تكون احد افضل المدن في افريقيا خاصة من حيث الجمال و العصرية ، ناطحات سحات و مدينة اقتصادية كاملة مع موقع استراتيجي رائع في افريقيا الي كنا تاريخيا افضل الحضارات في تاريخ افريقيا مع مصر ،
و مع الخطوة الاولى للمشروع الي باش تنطلق و هو مشروع ميناء المياه العميقة بالنفيضة ، اكد لنا باعثو المشروع و الي يخدمو عليه انو المشروع هذا مكبشين فيه و باش يرى النور لعودة تونس الى مكانتها افريقيا و لما لا حتى في العالم
كل تفاصيل هذا المشروع في مقالنا ، مع العلم انو مش متوقعين كل مكونات المشروع تنطلق اما الخطوة الاولى هي اهم خطوة في المشروع ديما
https://www.facebook.com/108773530662215/posts/359565585583007/
🟡 8-1 التحول الطاقي التونسي :
▫️و هو احد اهم المشاريع الاقتصادية الي تخدم عليه البلديات التونسية ، مشروع ربحي اقتصادي كبير يتمثل في تغير الانارة العمومية في بلادنا الى نوع LED الاقتصادية و الي تمكن البلدية من ربح طاقي يوصل لل 90% مع ربح كبير برشا في مصاريف الصيانة ،
حاجة رينها في برشا مناطق و حكينا عليها على غرار الكاف باجة المنستير مناطق في بن عروس
🟡 العديد من المشاريع الاخرى باش تنطلق في السنة القادمة و الي باش نغطيوها ليكم بكل دقة ان شاء الله منها بناء ة تحسين اكثر من 180 مؤسسة تربوية و اكثر من 100 مؤسسة شبابية و برمجة انشاء اكثر من 200 ملعب احياء في كامل الجمهورية التونسية و تهيئة عدد كبير جدا من الملاعب و تعشيبهم
🔰 2- المشاريع الي باش تكمل سنة 2022 و نشوفو الافتتاح الرسمي ليها ان شاء الله :
🔴 1-2 ملعب سوسة المتجدد :
باش تكمل السنة هذي ان شاء للله احد اهم مشاريع الملاعب في بلادنا ، ملعب سوسة الجديد باش يكون مبهر و رائع بكل ما تحمله الكلمة خاصة بعد انتهاء العشب و تركيب 40 الف كرسي و نوع الانارة الي باش تعطي بعد جمالي كبير الملعب ، الملعب السنة هذي باش يكمل بكل مكوناتو ان شاء الله و تم برمجة افتتاح الملعب في مارس القادم ان شاء اللله ليكون الملعب جاهز لاستقبال اكبر التضاهرات المحلية و القارية ، بالاضافة الى المسبح الاولمبي بسوسة الجديد و الي تعمل بمواصفات عصرية و باش يتم تدشينو كليا في مارس القادم ان شاء الله
🔴 2-2 mall of sfax
من المتوقع تدشين اكبر مول في تونس و واحد من اكبر مولات شمال افريقيا و احسنها في اوخر هذه السنة ،
نحن في إنتظار انجاز تاريخي عظيم جدا في صفاقس
▫️تبلغ مساحة المركب 60 هكتارا وسيوفر 1500 موطن شغل و1000 موطن شغل غير مباشر .
وتبلغ طاقة أستيعاب مأوى السيارات التابع للمشروع 6 آلاف سيارة وفضاءات خدمات وقاعات سينماو مطاعم و محلات لبيع الملابس وقاعات سينما و مطاعم و محلات لبيع الملابس و قاعات عرض كبرى و فضاءات ترفيهية
🔴 3-2 tunisia mall sfax
سيتم ايضا تدشين المول الثاني في جهة صفاقس و الي باش يكون مميز برشا زادا في افريقيا الكل هذي المرة ، بما انو المول هذا يحتوي على 4 طوابق كاملة تحت المائدة المائية بعمق اكثر من 20 متر عن طريق استخدام تقنية la Paroi moulée لاول مرة في افريقيا ،، ♥️ و هي اكثر البنايات عمقا في افريقيا
تصميم المركب الثقافي والتجاري بصفاقس سيكون فريدا من نوعه في تونس، كما انه سيكون مميزا عن باقي المركبات التجارية بتركيزه على البعد الثقافي حيث سيضم مسرحا وقاعات سينماء وقاعات متعددة الاختصاص ومقاهي ثقافية وعدد من المكتبات وفضاءات المطالعة، بالإضافة الى فضاء كامل مخصص للصناعات التقليدية في جهة صفاقس سيطلق عليه فضاء باب الديوان.
هذا المركب ستكون مساحته 75000 متر مربع وسيكون فيه مأوى سيارات يتسع لأكثر من 1000سيارة، وسيضم بالإضافة الى المحالات التجارية فضاءات للعب وتنشيط الاطفال وفضاءات اخرى للرياضة وغيرها.
🔴 4-2 مشروع المدينة السياحية الجديدة بالمنستير بالنهر الاصطناعي العملاق الاكبر في افريقيا ، بام لاك المنستير :
مشروع مميز برشا قيد الاشغال الي قاعدة تقدم بنسق كيير برشا ، مشروع المدينة السياحية الجديدة بالمنستير و هي عبارة على مول و مدينة سياحية كبرى بنهر اصطناعي بطول 2 كلم مربوط بالبحر تجربة لاول مرة في تونس بهذه الضخامة ... المشروع بجانب مطار المنستير الدولي .
المشروع ممتاز و المدينة ستكون الوجه السياحي الاول للمنستير الجميلة 😀 انتهاء المشروع صيف 2022 ان شاء الله و هو مشروع سياحي باش يدخل لبلادنا برشا فلوس ان شاء الله هذا غير انها باش تكون وجهة سياحية ممتازة برشا ،
🔴 5-2 المركب الثقافي الجديد العصري بالنصر :
على قريب باش نشوفو انتهاء اشغال مول جديد رائع في تونس و هو مول النصر ، و كالعادة فيه حاجات مميزة على المستوى القاري 😀 خاطرنا توانسة عمرنا ما نرضاو بمشروع مفيهش تميز
المشروع سيكون له شكل معماري فريد من نوعه في تونس...ت
ويتميز هذا المشروع الثقافي والخدماتي الذي يتم انجازه من قبل شركة La Société Chaabane Frères بشكل معماري فريد من نوعه في تونس وقد تم تصميمه و من قبل كفاءات 100% تونسية ، مع استخدام عديد التقنيات لأول مرة في تونس.
وسيكون لهذا الفضاء بعد ثقافي وخدماتي حيث سيضم عدد من قاعات السينما ومسرح ومقاهي ثقفية ومكتبات وفضاء للصناعيات التقليدية بالإضافة الي توفر عدد من الفروع الخدماتية لتقريب الخدمات الادارية من المواطن.
🔰 3 - مشاريع نتوقعو انو نشوفوها تقدم برشا في الفترة القادمة :
النقطة الثالثة باش نحكي على المشاريع الي حسب ما نراو في تقدمها مبشر او فما اي حاجة تبشر بالخير
⚫ 1-3 المدينة الرياضية بصفاقس :
مشروع ضخم برشا اما في عامنا هذا شفنا قرارات جديدة خلاتنا نحلمو و يرجعلنا الامل ، القرار المزيان كان من الوزيرة السابقة سهام العيادي الي قررت انها تبدى مشروع ملعب كرة القدم وحدو ، و لنا ولا المشروع ممكن بما انو التمويل متاعو باش يكون خير و الفلوس الي باش يدخلها الملعب قادرة على انها تكمل باقي مكونات المشروع ،
المشروع حاليا في فترة الدراسة ، تم تحديد ارض المشروع و يقع تسويتها في نفس الوقت ، الملعب باش يكون ب 60 الف متفرج و ملعب اولمبي يعني بالمضمار حسب اخر التقارير ، الملعب باش يكون مغطى بالكامل و يحتوي على مأوى سيارات تحت ارضي و عديد من المكونات الي من المتوقع انها تكون مفاجئة لينا ، مع انتظارنا للمسة الفنية للتونسية الي تميز كل مشروع ديما ،
⚫ 2-3 مشروع مرفأ تونس المالي :
و على غرار مدينة تونس الاقتصادية ، تونس باش تكمل تقدمها في مجال البنية التحتية و باش نشوفو اول انطلاق للجزء الثاني من مشروع مرفأ تونس المالي و الممول من مستثمر بحريني ، المفاوضات معاه جارية على مواصلت تمويلو للمشروع و انو تونس البلاد الي لازم تستثمر فيها دون اي مشاكل ،
⚫ 3-3 تهيئة ملعب حمادي العقربي برادس :
مشروع من الممكن انو نراوه السنة هذي ، و يتمثل المشروع في اعادة الروح لملعب رادس من خلال اعادة تعشيبو من الجديد و تغيير السقف و ترميم الملعب و عدة اشغال كبرى في الملعب على غرار تغيير الشاشة الالكترونية الى شاشة عصرية و يمكن تكون معلقة على غرار اكبر الملاعب العالمية
⚫ 4-3 مشروع قنطرة جربة اجيم :
مشروع متواصل في الدراسات متاعو و مؤكد انو باش يتم انجازو ، حذر كبير في الدراسات متاعو نظرا الى اهمية المشروع و دقته ، المشروع باش يكون مزاين برشا و باش يعطي للجزيرة بعد اقتصادي جديد ، المشروع يقدم بالباهي في الدراسات متاعو و ان شاء الله نتحصلو على جديد قريبا ، غير هذا منجم نمنيكم بشي غير انو المشروع موجود و باش ينجز ان شاء الله ، نتمناو نراو فتح طلب العروض السنة هذي ،
⚫ 5-3 المشاريع في طور الإنجاز و المبرمجة في السكك الحديدة :
- الشبكة الحديدية السريعة لتونس الكبرى RFR
- تحديث شبكة الحوض المنجمي و إقتناء المعدات لنقل الفسفاط
- مشروع خط حديدي بين سوسة و القصرين مرورا
بالقيروان و سيدي بوزيد
- إحداث خط حديدي عادي بين تطاوين و جرجيس لنقل الجبس من تطاوين إلى ميناء جرجيس
- برمجة مترو قابس
- تمديد الخط الحديدي من قابس إلى مدنين ثم جرجيس و بن قردان
- برمجة خط حديدي قعفور - سليانة - مكثر
- برمجة خط حديدي بين النفيضة و القيروان
- برمجة خط (LHP) تونس - صفاقس - قابس - مدنين - ليبيا
- برمجة خط (LHP) تونس - الجزائر
⚫ 6-3 مشروع توسعة المدخل الجنوبي للعاصمة :
▫️ و هو مشروع انطلق السنة هذي و من المتوقع انو يقدم برشا سنة 2022 ،
المشروع سيكون عبارة على قنطرة ضخمة ستمر من جهة جبل الجلود والى غاية مستشفى الحروق البليغة ببن عروس بكلفة ب312 مليون دينار.
وسيتم توسيع المدخل الجنوبي للعاصمة على طول 11,5 كلم وذلك لجعله 4×2 ممرات موزعة على 5 أقساط كما سيتم انجاز محولات على طول 6 كلم، ،
⬅️ المشروع الجديد هدفه حماية مستعملي الطريق وتحسين السيولة المرورية علما وان الطريق يُسجل عند وقت الذروة مرور نحو 150 الف عربة و5 آلاف شاحنة على ان يبلغ عدد السيارات نحو 220 الف عربة بحلول سنة 2042.
▫️ وسيربط هذا الطريق بين منطقة مستشفى الحروق البليغة بولاية بن عروس بمداخل المروج ومدخل تونس العاصمة مرورا بمنطقة جبل جلود لتنتهي بشارع قنطرة الجمهورية بالعاصمة
🟥 في النهاية ، هذا جزء بسيط جدا ملي موجود و ان شاء الله باش نعطيوكم المشاريع الي محكيناش عليها الكل في مقال جديد ، حاولنا جمع اكبر عدد ممكن من المعلومات في منشور واحد باش يبين حاجة بركا 🇹🇳 مش صحيحة الصورة الي يحبو يخرجوها على بلادنا ، في بلادنا هاكم ريتو مشاريع مميزة على المستوى القاري و العربي ، 🇹🇳 تونس السنة القادمة باش طلع اول رائدة فضاء افريقية عربية ، تونس في السنة القادمة باش تواصل نجاحها و تقدمها رغم الصعوبات ، المهم انت متأيسش من بلادك الي مطلبت منك شي كان تاقف معاها و تعاونها ، عندي امل كبير في بلادي 🇹🇳🇹🇳 صدقا بالله عدد المشاريع الي محكيتش عليها لا تعد و لا تحصى ، مشاريع بالمٱت و الالاف ، و الكلها مهمة جدا ، فيها الي في طور الانجاز و فيها الي باش تتعمل ان شاؤ الله
ان شاء الله نكونو نفعناكم بالمقال هذا 😀 مقال تعبنا عليه برشا باش نخرجو احسن صورة للبلادنا 🇹🇳 ، ان شاء الله نراو الدعم منكم بالبرتاج ، و دعم الصفحات الصديقة الي تاخو يوميا في المنشورات من عنا بذكر المصدر من حين الى اخر احتراما للخدمة الي نخدمو فيها 😀
#ملعبي_الصفحة_الاولى_المهتمة_بالبنية_التحتية_في_تونس
Enregistrer un commentaire
ما هو رأيك في هذا الموضوع ؟ نأخذ بعين الاعتبار كل تعليقاتكم