✅ دخول الطريق السيارة قابس-مدنين حيّز الاستغلال في مارس 2023

✅ ملعب المنزه ، تقدم مستمر للاشغال ، تغطية الملعب و تفاصيل جديدة في المشروع | كل التفاصيل بكل دقة كي العادة في صفحتكم الاولى : 

©️ تتواصل اشغال ملعب المنزه بنسق من متوسط الى جيد ، و رغم الاشاعات لتوقف الاشغال بسبب " عدم خلاص المقاول " ، الا ان التأكيدات الي جاتنا انو الموضوع هذا ما عندو حتى علاقة بالواقع ، 

المشروع حاليا يتواصل في مرحلة انتزاع و هدم المدارج التالفة و المهددة بالسقوط ، و هي عملية دقيقة جدا بما انو المقاول يعمل على عدم الحاق اي ضرر باسس الملعب و تصميمو الي باش يبقى كيما هو و يطور ( ▪️ نفسرولكم النقطة هذي مليح بعد شوي ) ،

▫️ نكملو في الجزء الاول للمشروع : 

بلغة نسبة تقدم الاشغال في الجزء هذا 82% ، و مع انطلاق سنة 2023 باش نشوفو رسميا اعادة تشيد الملعب و البناء الي باش شكون اسرع و افضل ... مع انتهاء الجزء هذا باش نشوفو اشغال حجرات الملابس , غرفة التحكيم ، غرف VIP و البوابات و غيرها من الاشغال 

▫️المقاول وقع على عقد انتهاء الاشغال في فترة 900 يوم ، مع العلم انو صرحو بامكانية جاهزية الملعب قبل الموعد هذا بمفاجئة جديدة مع عدم احقيتو بطلب زيادة او اي شيئ ( تفادي اخطاء ملعب سوسة ) 

▫️ تم الاشغال تحت مراقبة : لجنة صلوحية الملاعب ، المطورين ، الوزارات المعنية ، الحماية المدنية ، و المسؤولين على الامن ، هذا الكل لتفادي اي اخطاء و بداية دراسات منذ الان لدخول و خروج الجماهير خاصة في التظاهرات الكبيرة مع الموقع الحساس للملعب ، و طرح جميع الفرضيات و هذي حاجة باش تخلينا نراو الملعب يوفى في وقتو ، و من غير اي مشكلة ( ان شاء الله ) 

🟣 النقطة الابرز : حسب مصادرنا ، و كيما قلنا قبل مدة انو فما امكانية لتغطية الملعب ، نعلموكم انو تم رسميا طرح الفكرة هذي على الوزارات المعنية و الي باش تمشي في توجه تطبيق المشروع هذا ، الفكرة تتمكن في تركيب سقف متحرك ( باش يكون الافضل في افريقيا لو تم و حسب ما فهمت شخصيا ) ، السقف هذا تركيبو سهل جدا و تفكيكو زادة يعني ينجم يكون امر سهل ، 

و لا نستبعد فكرة انو السقف هذا يكون " مونديالي " .. الحاجة الي باش تربح تونس مكسب قد يدوم لسنين طويلة 

©️ الخلاصة ، ملعب المنزه باش يكون افضل ملعب في تونس من خلال التقنيات الحديثة ، و بشهادة من الفيفا ان شاء الله ، نأمل ان يتم اخذ كل العوامل بعين الاعتبار و نشوفو حاجة مزيانة ، الي باش يعطي أمل جديد للتونس ،

 ❌ اما .... وقيت باش نبدلو عقليتنا و نبدلو من رواحنا ، وقيت باش نقصو من التسيب و العنف و نعطيو صورة. باهية التوانسة ، تقريبا في تونس المستثمرين و المستشهرين قريب باش يوليو بالمزية ، وقيت باش العباد تفهم انو كي تدخل بسروال دجين شاق الملعب تسب في حكم باش تضر صورة جمعيتك و بالتالي صورة التسويقية للمباراة هذي و بتالي الفلوس و بالتالي المستوى و البنية التحتية ، وقيت باش نيزيو من الحجر ، و المحاكم و العرك و التسيب ، و الحرية المفرطة و عقلية المظلوم ، وقيت باش نراو احسن صورة لينا و احسن امل لغدوة خير ، خاطر تحب والا تكره ، هذي بلادك و هذا اصلك ، و مش كي تمشي للقطب الجنوبي مش باش تنجم تنحي الحاجة هذي ♥️♥️ نعتذر على خروجنا على الموضوع ، و شكرا على المتابعة و القراءة ♥️♥️